Jakingo duzunez gure klubaren ekitaldi guzti guztiak zuri esker antolatzen dira, animoz betetako eta interes bako lan bolondresari esker.
Hainbat ezagutzen gara baina beste hainbat ez. Batzuk honezkero lagundu edota antolatu duzue Alpinoko ekitaldietan, beste batzuk aldiz, oraindik ez duzue aukerarik izan baina nahi izango zenukete laguntzea. Beste batzuk, akaso, ideia berriak dituzue gure mendiak disfrutatzeko edota zaintzeko eta zerbait barri antolatzeko prest egongo zinatekeen…. Zuek guztiok, bene benetan eskertu nahi zaituegu. Azken finean, Alpino Tabira bizirik eta osasuntsu jarraitzen badu, zuei esker delako.
Baina gure izaerari eutsiz, hitzetatik ekintzetara pasa nahi dugu, eta ondoko hau proposatzen dizugu:
Hurrengo Azaroak 23 goizeko 9:00etan klubean gelditu eta
– Gure ingurutik goizeko 3 orduko ibilaldia egin, elkar ezagutzeko eta bidean solasteko
– Eta amaitzeko klubean bertan otordutxoa solasaldiak eta kontuak amaitzeko
Handik aurrerakoak bakoitzaren esku.
Animatzen zaitugu ekitalditxo honetara etortzera zu zuzenean eskertzeko eta Alpino Tabira sendotzen jarraitzeko.
Mesedez, klubean izena eman azaroak 21 baino lehenago (otordutxoa kalkulatu behar dugu ta!). Ekitaldi honen prezioa zure lanaren berdina izango da: musutruk.