Urtarrilak 14
Prezioak: bazkideak 10 € (autobusean 15 €), bazkide ez direnak 15 €.
Txartelak: urtarrilaren 9tik aurrera.
Irteera: 08:30ean autobusa egongo da (Olleria kaleko geltokian). Elorriora iristean behar diren gauzak bertan utzi ahal izango dira: aldatzeko arropa, oinetakoak, etab.
«Bizkaiko Bira» proiektu berriaren atariko etapa aurkeztuko dugu. Taldearen etorkizuneko egutegien parte izango da, eta Bizkaiko periferia zeharkatuko dugu, GR 123 bide homologatutik ibiliz eta, aukerako B plan gisa, handik gertu geratzen diren gailurretara igoz. Horretarako, zer hobeto Durangotik hastea baino, gure aurreko proiektuan egindako ibilbideetan oinarrituta, «Ermitak bide Durangaldea bizi» proiektuaren urratsak jarraituz.
Ibilbidea:
A aukera
Track GPX — Track Wikiloc — Mapa
Bidea Landakon hasiko dugu, Abadiñorantz, eta, han, galtzada zahar bat hartuko dugu, Zelaietako hilerritik Gaztelua auzoko landa-gune den Keixperriraino doana. Pista eroso batetik jarraituko dugu, hego-ekialderantz, Arteagabaso gailurra inguratuz, Aramiño eta Berriozabaleta auzoetara iristeko, biak Elorrioko lurraldean. Auzo-errepideetatik goazela, Miota gainera iritsiko gara. Hemen errepidea arretaz zeharkatu eta asfaltoari jarraituko diogu San Lorentzo baselizaraino, Leizko landa-gunean. Handik, bidezidorrak lotuz eta mahastien artean aurrera eginez, Mendraka auzora eta Argiñetako nekropolira iritsiko gara. Jaitsierarekin jarraituko dugu eta Zenita auzora desbideratuko gara. “Uratsa” ur sulfuroso iturritik igaroko gara eta, aldapa txiki bat gainditu eta Elgetara doan errepidea zeharkatu ondoren, San Juan baseliza bisitatuko dugu. Baseliza bisitatu ondoren, bidezidor eroso baina aldapatsu batetik, Aldape auzotik igaroko gara, eta Elorrioko San Anton auzoan amaituko dugu etapa.
Distantzia: 17 kilometro
Desnibel positiboa: 600m
Desnibel negatiboa: 540m
B aukera
Track GPX — Track Wikiloc — Mapa
A aukerako ibilbide bera egingo da, baina Arteagabasoko gailurra (381m) igota. Gailur erraza da, baina egungo baso-lanak direla eta, lokatz asko eta ibiltzeko zailak diren bidezidorrak aurki ditzakegu.
Distantzia: 19 kilometro
Desnibel positiboa: 750m
Desnibel negatiboa: 680m
